Liviki kuhlelo lwethu Liphuma Lendaba Litshone Lendaba sixoxa loNkosikazi Tendai Priscillah Banda ofuya inyoni ezithiwa ngama quails ngesilungu kumbe isigwaca ngesiNdebele.
Inyoni lezi sezifuywa ngabanengi abathengisa amaqanda athiwa ayaphathisa ukwelapheni izifo ezinengi ezitshiyeneyo lanxa abanye odokotela besithi kasiloqiniso.
Izigwaca zibikwa zilenyama emnyanandi njalo zithengwa ngobunengi langamanye amazwe.
UBanda uthi izigwaca zifuna ukufuywa endaweni enkulu lapha ezingasoze ziminyane.
"Kathesi mina ngile 270 ngaqala le 35. Kumele ube leqhude elilodwa kunyoni ezintathu ngoba amaqhude ayalwa kakhulu ecine ebulalana. Abekela amaqanda amabili ngelanga," kutsho uBanda.
Uthi emandleni amaqanda ekwelapheni kazi ngakho kodwa uthanda inyama yakhona.
"Imarket yangkhona kayinkulu kakhulu ngendlela engingafuna ngayo but ama restaurants ayathatha," kutsho uBanda.
Your browser doesn’t support HTML5
Uhlelo Liphuma Lendaba