Abahlali bakoBulawayo bathi sebelobele uhulumende kanye lekhansili yalelidolobho incwadi bekhalaza ukuthi kuvunyelwe abanye abakubhizimusi yokuthwala abantu ukuthi besebenze njengoba uhlupho lokusilela kwezimota lulokhe lubhahile.
Lokhu kuphume emhlanganweni wabomabhalane bogatsha olubona ngokuphathelane lezimota zokuhambisa kunhlanganiso elwela amalungelo ezakhamizi zalelidolobho eyeBulawayo Progressive Residents Association izolo.
Amakhombi lamabhasi angabhaliswanga ukuthi asebenze ephansi kwenkampani yeZupco kasavunyelwa ukusebenza.
Umabhalane wogatsha oluphathelane lezimota kuBulawayo Progressive Residents Association uNkosikazi Terresia Nyathi uthi udaba lolu kumele lulungisiswe ngokuphangisa.
Your browser doesn’t support HTML5
Ingxoxo loNkosikazi Terresia Nyathi