Abasakhulayo abakuhlelo lweMandela Washington Fellowship eUniversity of California bazakwenza umkhosi wokuthakazelela impilo kaMnu Nelson Mandela ngoLwesihlanu benanza ilanga leMandela Day.
Ontanga laba, abagoqela abeZimbabwe bathi emkhosini lo bazatshengisa ibhayisikopo elonda imbali kaMandela kuthi abanye ngabazabe begiya, imbongi lazo zihaya uMandela, owaba nguMongameli weSouth Africa wakuqala onsundu.
Uhlelo lweMandela Washington Fellowship lwasungula nguMongameli Obama nyakenye ngenjongo yokuthuthukisa abasakhulayo beAfrica njalo ehlonipha uMandela.
Ilanga leli lizananzwa okusemthethweni ngoMgqibelo kweleSouth Africa. Sixhume osakhulayo weZimbabwe oseUniversity of California uYvonne Jila wasichasisela okunengi ngomkhosi wabo.
Your browser doesn’t support HTML5
Ingxoxo loNkosazana Yvonne Jila