Abalandeli bomdlalo wenguqu bathi lenze kahle iqembu leZimbabwe Warriors elinqobe eleBostwana 1-0 ngoLwesine kusihlwa lahle langena kuma finals enkezo yeAfrica Cup of Nations.
EleZimbabwe, elilemiklomelo eyisitshiyangalombili, lilandela eleAlgeria kungalani yesibaya sika Group H.
Iqembu leli lizangqikilana lele Zambia ngeviki ezayo. Impumela yomdlalo lo kawusoze uguqule isimo sengalani kaGroup H ngesikhathi kulungiselelwa imidlalo yeAFCON, ezadlalelwa kwele Cameroon.
Ingcwethi kwezemidlalo yenguqu, uThandazani Zimbwa, uthi kumele ilizwe leZimbabwe lilungiselele ngemfanelo lingakahambi emidlalweni yeAFCON finals.
Uthi umqeqetshi kufanele adinge abadlali abanengi abadlelela amaqembu atshiyeneyo eZimbabwe hatshi ukukhangela abakumaqembu emazweni ambalwa.
UZimbwa uthi ukulolongwa kweqembu leli kuzakwenziwa kahle nxa abantu bengabonisana sonke isikhathi ngokufunwa ngabadlali labaqeqetshi.
Your browser doesn’t support HTML5
'Siyakuthakazelela Okwenziwe Liqembu leWarriors