Liviki kuhlelo lwethu "Liphuma Lendaba Litshona Lendaba" sixoxa loMnu. Khawudeni Ncube isakhamuzi semangweni weLupane, esigabeni seMatebeleland North, sihlaziya umumo wezokulima phambilini kwesikhathi sokulima.
Izulu selisewule kwezinye izigaba zelizwe kodwa ngasemhlobulweni wangezansi kwelizwe lokhu komile njalo lelanga livutha okungakaze kubonakale.
UNcube uthi eLupane kome okokuthi izifuyo sezicakile njalo inkomo ziyehluleka khona ukulima, okokuthi abakwazi ukuthi bazokwenzani lonyaka.
"Lokulima vele asikaqali ngoba inkomo zingeke zadonsa ikhuba," kutsho uNcube.
Wengezelele esithi olunye udubo ababhekane lalo yikubandlululwa abakwenziwayo ngabasekeli bebandla le Zanu PF bebancitsha konke okuvela kuhulumende okufana labonhlanyelo, imvundiso yamafertiliser, okokulimisa okunjengemathalakitha lokunye ngoba bengasekeli lelibandla.
Your browser doesn’t support HTML5
Uhlelo Liphuma Lendaba