Ukuqala kokusebenza kwemali yohlobo lwama Bond Notes, eZimbabwe ngenyanga ka Mfufu sekubangele ukuthi uzulu athenge impahla ezitolo ngobunengi esesabela ukuthi nxa ingaqala ukusetshenziswa intengo izakhuphuka.
Usibalukhulu webhanga lesizwe, ele Reserve Bank of Zimbabwe-RBZ, uMnu. John Mangudya wazise ukuthi ilizwe lizasungula ukusetshenziswa kwemali yephepha eyama Bond Notes elesisindo esilingana lesedola leMelika ukuze iphathise ukusilela kwemali emabhanga.
Kodwa uzulu lengcwethi zenotho zithi inyathelo leli lizabuyisela ilizwe kusimo sika 2008 lapho okwasilela impahla ezitolo lemali yaphela isisindo yafana lephepha nje elingelancedo.
Isiphathamandla senhlanganiso ye Progressive Residents’ Association, uMnu. Ambrose Sibindi utshele uChris Gande weStudio Seven ukuthi kwezinye izitolo abasavumeli ukuthi abantu bathenge impahla efana lamafutha okuphela, itshukela lokunye ngobunengi.
"Liqiniso sibili abalezimali zabo bayathenga emasupermarkets lapha impahla ezinengi ngoba uyabona ukuthi abantu bacabanga ukuthi limali ingaqala ukusetshenziswa kuzaba lodubo loluya abake badibana lalo ngo2008.
Your browser doesn’t support HTML5
Udaba lokuthengwa kwempahla kusesatshelwa ukuqonga kwentengo lapho kusiza amaBond Notes