Abasebenza kugatsha olubona ngokungena kanye lokuphuma kwabantu elizweni, olwe Immigration- emngceleni owe Plumtree bathi abakaze bebone inani eliphezulu kangaka, lingena elizweni ngesikhathi sekhefu leKhisimusi.
Esinye isisebenzi esingafisanga ukuqanjwa ngegama ngoba singelamvumo yokukhuluma lenthathelizindaba, sitshele iStudio 7, ukuthi emalangeni kulanda iKhisimusi, bekunyathelwana emngceleni wePlumtree le Ramokgwebana. Ethi ukungavalwa komngcele kusukela mhla ziku20 kuMpalakazi kusiya ku 24, kubaphathise kakhulu, ngoba benelisile ukudlulisa inani eliphezulu.
AbeZimbabwe becapha umngcele wele Botswana bephindela ekhaya
Kusiyafika ngelanga leKhisimusi, likamhlaka 25 ngezikhathi zokudla kwemini, besekubetha umoyo emngceleni wePlumtree, okujabulise inengi.
Unkosikazi Ireen Dube uthi sekungathi kungezakala njalo ngesikhathi inengi selibuyela kweleBotswana ngemva kwekhefu…
“Sithokozile ngendlela abasiphathise ngayo ku border yeZimbabwe leBotswana, noma nje bekulemizila emide bazamile ukuthi abantu badlule ngokuphangisa, kungafani lalokhu esikuzwe eBeitbridge. Sithemba kuzabanjalo uma abantu sebebuyela.”
AbeZimbabwe becapha umngcele wele Botswana bephindela ekhaya
Ngokunjalo, abanye abeBotswana labo bamangaliswe yindlela abathole usizo ngalo kumngcele yomibili, okungajwayelekanga ngesikhathi seKhisimusi…
“Simangele ngendlela esiphathwe ngayo, kungelabantu abanengi njalo asithathanga isikhathi eside, sime imizuzu engaba ngamatshumi amathathu, kumngcele munye ngamunye.”
Izimotha zichapha umngcele weBotswana
Okunye okuthokozise, ikakhulu abatshayeli yikuthi imbadalo zemota bezisenziwa ndawonye, kungafani lakwezinye insuku lapho abasuka lapha bengene lapha.
ZIMRA
Kodwa abanye badaniswe yikuthi abogatsha lwe Zimbabwe Revenue Authority (ZIMRA) kade bengabavumeli ukuthi bangene lokufana lamafutha ezimota noma nje esilela elizweni.
Your browser doesn’t support HTML5
Udaba lwabacaphe emngceleni weBotswana siluphiwa nguMartin Ngwenya