Laloba isimo somnotho singamanga kahle kwele Zimbabwe inengi lalabo abathandanayo lilungiselela ngenjabulo usuku lwezithandani olweValentines Day.
Abantu abanengi bebephithizela ngoLwesithathu bethenga izipho belungiselela usuku lolu.
Valentine's Day ...
UNkosikazi Nokubonga Moyo, othengisa izipho, uthi benze imali ethe xaxa nxa kuqathaniswa lamanye amalanga.
USenzo Ndebele, omunye wamajaha akade ethenga izipho, uthi yena sesithengele isithandwa sakhe isipho, selinde usuku lweValentines Day.
“… IValentine yakhathesi ingani ilobunzimanyana kodwa loba kunjalo owami ngiimthengele sengimelele usuku lwakusasa ukuthi lufike.”
USipho Moyo, omunye olithakazelelayo usuku lweValentine’s Day uthi usemele isipho sakhe.
Abantu abanengi bayalungiselela iValentine sibili sesiyijwayele kodwa lami bengihlezi ngiyilungiselela kodwa this time angiqali ngoba uyalungisa iValentine uhambe uyethenga into enhle ulindele ukuthenga into enhle ulinde ukuthola into enhle umuntu abuye ethwele ama chocolates into eziphelela emlonyeni lobakuthiwa luthando kumbe oTeddy Bear abancane hayi ahh.
Usuku lweValentine's Day lokhanya ngamaluba athengiswa endaweni ezitshineyo.
“Into engiza yenza ngiyathenga iValentine angisoze ngiyekele phela ngoba ngiyayilungiselela kodwa eyami ngizayibeka mbijana ngibone lami ukuthi ngiphathelweni lanxa nginga bona kuthi kulani.”
UNkosazana Zandile Tshuma uthi kalisekeli lel’ilanga ngoba uthando kumele lutshengiswe nsukusonke.
“Mina ngokwami ngithi lel’ilanga alikho right ukuthi kuthwe lilanga lothando ngoba nxa umuntu wakho ekuthanda kumele akutshengise nsukuzonke, hayi ukuthi atshengise uthando kanye ngomyaka. Lel’ilanga ngele fake, ngelokuvalana yikho kuthwa Valentine.”
Your browser doesn’t support HTML5
Banengi Asebethengele Izithandwa Zabo Izipho Zosuku LweValentine's Day