Abalwela amalungelo oluntu kanye lamanye amabandla ezombusazwe sebechothoze isiqondiso sikamphathintambo wezabelo uMnu. Ignatious Chombo esokuthi abathengisa ezitaladini bengelamvumo kufanele bexotshwe ngoba ukuthengisela ingqe ngaphi kwedolobho yikho okubangela ukumemetheka kwemikhuhlane emadolobheni.
UMnu. Chombo ukhulume lamazwi ngoMgqibelo emhlanganweni womanyano wamakhansili emadolobheni i-Urban Councils Association of Zimbabwe, lapho obekuhlafunwa ezinengi ezihluphayo eziphathelane lemadolobheni.
UNkosikazi Debra Mukasa, isiphathamandla senhlanganiso elwela amalungelo abathengisayo eye Zimbabwe Chamber of Informal Economy Association utshele uSithandekile Mhlanga weStudio 7 ukuthi uhulumende kufanele abumbe i board yokucubungula udaba lwabathengisayo kulokuthi iziphathamandla zakhe zibe zilokhu zibethulela iziqondiso ezitshiyeneyo njengalokhu okwenzakalayo.
Your browser doesn’t support HTML5
Ingxoxo LoNkosikazi Debra Mukasa
Ibandla leMDC-T lona lithi kulihlazo ukuthi uhulumende athi usexotsha abathengisa ezitaladini yena esazi ukuthi imisebenzi iyasilela elizweni.