Amapholisa kamanisipala wedolobho leHarare abikwa eqhubeke egijimisa abathengisa emgwaqweni ebathathela impahla yabo, ngoLwesine.
Loku kwenzakala abanye babo abalitshumi lanhlanu bemiswe phambili komthethwandaba ngemva kokubotshwa betshengisela emahofisini kameya wedolobho ngeviki edluleyo.
Kuthi ngoLwesithathu umpathintambo wezabelo, uMnu. Saviour Kasukuwere ubikwa ebhodabhode edolobheni leHarare ekhangela umumo kulandela ukuxotshwa kwabantu laba.
Abakade besemthethwandbaa bagoqela inkokheli yenhlanganiso elwela ilungelo labathengisa ezitaladeni eye National Vendors’ Union abagoqela umgcinisihlalo, uMnu. Stan Zvorwadza lomqondisi, uMnu. Samuel Wadzayi.
Ngemva kokuhlolisisa umumo uMnu. Kasukuwere ubikwa ethe kabasoze bethuselwe ngabathengisayo labo nelokuthi kabayi kuvotela ibandla leZanu PF ngomnyaka ka2018.
UChris Gande weStudio Seven uxoxe lomkhokheli wenye njalo inhlanganiso yabathengisa ezitaladeni eye Zimbabwe Informal Sector Organization uMnu. Promise Mkhwananzi obesemthethwandaba.
Your browser doesn’t support HTML5
Ingxoxo loMnu. Promise Mkhwananzi