Unobhala jikelele webandla leMDC-T uMnu. Abednico Bhebhe usekhweze emthethwandaba udaba lokuxotshwa kwakhe kulelibandla esithi akulandelwanga isisekelo sebandla.
UMnu. Bhebhe, uthi uke wakhweza udaba lokumiswa kwakhe okwesikhatshana ukusebenza kulelibandla; i-suspension, emthethwandaba, njalo olwamanje ngelokuxotshwa kwakhe kuMDC-T.
Uthi akulandelwanga umthetho webandla kuzehlakalo zombili ngoba katshelwanga ukuthi uxotshelwani njalo kazange axoxisane lebandla lakhe ngokuthi wephule ziphi
Ibandla leMDC-T lisanda ukutshela iStudio 7 ukuthi uMnu. Bhebhe uzixotshile ebandleni ngoba engasalandeli iziqondiso zebandla.
Kodwa uMnu. Bhebhe uthi iziqondiso zebandla zilotshwe emthethweni webandla hatshi ezokuzibazela.
Your browser doesn’t support HTML5
Ingxoxo loMnu. Abednico Bhebhe