Ibandla leMDC Alliance lithi inyathelo likahulumende lokuvuselela uhlelo lweNational Youth Service liveza sobala ukuthi iZanu PF iqoqa udlakela kukhetho luka2023.
Abasakhulayo laba abaziwa ngokuthi ngamaGreen Bomber,balembali embi yokusetshenziswa nguhulumende weZanu PF ukutshaya lokuhlukuluza abamabandla aphikisayo ngezikhathi zokhetho.
Betheswa njalo amacala okubulala abasekeli beMDC abanengi.
Umsekeli kamkhokheli weMDC Alliance uMnu Tendai Biti uthi ngokuvuselela loluhlelo uMongameli Emmerson Mnangagwa uqoqa umbhuqazwe ngo2023.
Amazwi kaBiti asekelwe ngolwela amalungelo oluntu njalo ecubungula ezombusazwe uMnu Mfundo Mlilo.
Your browser doesn’t support HTML5
Ingxoxo loMnu Mfundo Mlilo
Kodwa ilunga leZanu PF uMnu Believe Gaule ukulandule ukuthi bajonge udlakela esithi bafuna ukufundisa abatsha imbali yelizwe lokuziqhenya.
Your browser doesn’t support HTML5
Ingxoxo loMnu Believe Gaule