Izizalwane ze Nigeria esezihlala eZimbabwe eziphansi kwenhlanganiso ye Nigeria Community in Zimbabwe zinikeze isipho samabin okulahlela izibi angamatshumi amahlanu kuhlangothi lwezemvelo, kumanisipala weHarare, ngaphambili kosulu lokunanza izwekazi labensundu ele Africa Day mhlaka 25 Nkwenkwezi.
AbeNigeria Community in Zimbabwe
Owake wakhokhela linhlanganiso umnumzana Simon Udemba, uthi kuqakathekile ukumanyana kwenkokheli yamazwe alelizwekazi.
Abe Nigerian Community in Zimbabwe laba, bathi usizo lwamabimu angamatshumi amahlanu lanye ( 51 ), anikezwe kumanisipala ngoLwesibili, yikugcwalisa isithembiso abasenze ngenyanga ka Nhlangula nyakenye 2015.
Ummeli weNigeria eZimbabwe uMnu. Muhammad Abubakar
Ube khona laye ummeli we Nigeria eZimbabwe, umnumzana Muhammad Abubakar, otshele intathelizindaba ukuthi kuyajabulisa ukubona izizalwane zelizwe lakhe ziphathisa ngendlela ezehlukeneyo emazweni ezikizo njengalokho ezikwenze kumanisipala weHarare.
Umanisipala weHarare ukhuthaza abamahofisi abammeli bakwamanye amazwe eZimbabwe, balandele lesi sibonelo esihle sabenhlanganiso ye Nigerian Community in Zimbabwe, batholise labo usizo ngendlela ezehlukeneyo.
Kunje umanisipala uthi kudinga amabini angaba yinkulungwane elengxenye, lapho okuqhutshelwa khona amabhizimusi phakathi kwedolobha.
Your browser doesn’t support HTML5
Udaba lwabeNigeria asebehlala eZimbabwe siluphiwa nguMavis Gama