Abesifazana beZimbabwe sebekhuthazwe ukuthi bayehlolwa umkhuhlane wemvukuzane yebele ngobunengi ukwenqabela ukulahlekelwa yimpilo.
Inkuthazo le iza ngesikhathi iZimbabwe imanyane lamazwe omhlaba jikelele kumkhankaso wokulimukisa uzulu ngalumkhuhlane oqale mhlaka 1 kulinyanya njalo ozaphela ekupheleni kwenyanga oweBreast Cancer Awareness Month.
Bangena kunkulungwane lenkulungwane abesifazana ababulawa yimvukuzane yebele ngomnyaka eZimbabwe.
Emhlabeni jikelele bedlula ingxenye yesigidi.
UNtungamili Nkomo weStudio 7 uxoxe lolwela amalungelo abesifazana uNkosazana Linda Mpofu yena othi kubalulekile ukuthi abesifazana bayehlolwa ukuze bathathe amanyathelo nxa bethe batholakala belawo lumkhuhlane.
Your browser doesn’t support HTML5
Ingxoxo loNkosazana Linda Mpofu