Umanyano we Tajamuka-Sesijikile usukhweze isicelo emthethwandaba we Constitutional Court sokuthi uMongameli Robert Mugabe sekumele asuke esikhundleni sakhe ngoba usehlulekile ukubusa.
Kugwalo olusiwe emthethwandaba ngolweSine iTajamuka-Sesijikile ithi uMongameli Mugabe kunye lomsekeli wakhe, uMnu. Emmerson Mnangagwa kumele baphe umthethwandaba izizatho zokuvikela uMugabe ukuthi engaxotshwa embusweni.
Lokhu ngokwesibili ukuthi isizalwane seZimbabwe sise uMugabe emethethwandaba. Ngomnyaka odluleyo, uMnu. Tinomudaishe Chinyoka kodwa kuze kube namhla loludaba alukaze luthethwe.
Isisekelo sombuso welizwe sithi umongameli engasuswa nxa engasenelisi ukubusa nganxa yezizatho ezimbalwa eziphathelane lempilakahle yakhe. Kodwa lokhu kumele kwenziwe ngamadale eSenate lele Parliament.
Ingcwethi ezicubungula ezomthetho zithi okwenziwa yiTajamuka/Sesijikisile lokhu, akusoze kuphumelele.
UChris Gande weStudio Seven uxoxe lesikhulumeli seTajamuka/Sesijikile, uMnu. Promise Mkhwananzi yena othi
“Sifake amaphepha okuthi sikhuthaze umongameli welizwe uBaba uMugabe ukuthi abuza ngendlela eqondileyo, alandele isisekelo sombuso esibona angani ulezinye izigaba azeqayo. Ezifana lokubangela ukungahlaliseki phakathi kwemuli yeZimbabwe, ezinjengokwehluleka ukubambanisa imuli yeZimbabwe ukuthi ibe ndawonye, lokukhuluma ukuthi amapholisa ngawakhe wona engawelizwe. Zonke lezi izinto yizo esizama ukuzifaka phambi kwedale…”
Your browser doesn’t support HTML5
Ingxoxo loMnu. Promise Mkhwananzi