Ugatsha lwezempilakahle luthi akulamuntu obulawe yiCovid-19 eZimbabwe ngoMvulo kodwa kulabalitshumi lasikhombisa, 17, ababanjwe lumkhuhlane.
Lokhu kutsho ukuthi inani lasebebhubhile selokhe lumkhuhlane ufike kulelilizwe sebeyinkulungwane elamakhulu amahlanu lamatshumi amabili, 1,520, kuthi asebetholakele belawo sebezinkulungwane ezingamatshumi phose amane, 36,839.
Abahlatshwe ijekiseni yakuqala yokwenqabela iCoronavirus izolo bayinkulungwane elamakhulu amabili lamatshumi amane, 1,240, njalo abahlatshwe eyesibili bayinkulungwane elamakhulu amabili alamatshumi amathathu lanye, 1,231.
Inani lasebehlatshwe ijekiseni yakuqala kuphela bonke selokhe loluhlelo luqale ngenyanga edluleyo selifike kunkulungwane phose eziyisikhombisa, 69,751.
Asebehlatshwe eyesibili njalo ingeyokucina sebezinkulungwane ezedlula kancane ezilitshumi, 11,859.