WASHINGTON DC —
Iqembu lenguqu elama Mighty Warriors lilomthwalo onzima ngoLwesithathu eSao Pulo kwele Brazil lapho elizanqikilana lele Germany emdlalweni wama Olympics.
Iqembu le Germany ngelesibili kuluhlu lwamaqembu enguqu emhlabeni jikelele.
Kuthi njalo ama Mighty Warriors abelomdlalo wokuzwana amandla leqembu le China lanqotshwa nge 1 ka 0.
Ama Mighty Warriors azadlala leqembu le Canada ngoMgqibelo.
Sixoxe lesikhulumeli senhlanganiso yenguqu, iZIFA, uXolisani Gwesela othi balethemba ukuthi amantombazana azenza izimanga.
"Silokuthaba okukhulu ukuthi iqembu lethu elama Mighty Warriors lise Brazil emdlalweni yama Olympics," kutsho uGwesela.
Your browser doesn’t support HTML5
Ingxoxo loMnu. Xolisani Gwesela