Amabandla aphikisayo ethesa ibandla leZANU PF umlandu wokusebenzisa impahla kahulumende lokudla ukukhankasela ukhetho. Iziphathamandla zebandla leZANU PF zibikwa zihamba zinikeza izikolo imitshina yamacomputer, abantu bephiwa ukudla lokunye.
Imigwaqo ebisileminyaka ingananzwa isilungiswa. Isikhulumeli sikaMnu. Nelson Chamisa, okhokhela umanyano weMDC Alliance uMnu. Nkululeko Sibanda uthi abantu kufanele bathathe abakuphiwayo kodwa nxa sebevota bevotele abamfunayo.
Your browser doesn’t support HTML5
Ingxoxo loMnu. Nkululeko Sibanda
Kusenjalo, osakhulayo ozancintisa emele ibandla leZAPU eGwanda Central uMnu. Cannicious Nkala uthi uzasebenzela ukuthuthukisa idolobho leGwanda engakhethwa ukuba lilunga ledale lephalamende.
Your browser doesn’t support HTML5
UBathabile Masuku Uyalandisa
Omunye njalo osakhulayo, uMnumzana Brisky Ncube uthi uncintisa kukhetho lokudinga ozamela iVungu edale lephalamende.
Your browser doesn’t support HTML5
UAlbert Ncube Uyalandisa