Amalunga edale lephalamende yeZimbabwe athukuthele kulandela imbiko yeziphathamandla zedale leli eyokuthi kuzamele azidingele indawo zokulala koBulawayo ekupheleni kwayonale inyanga.
Amalunga edale lephalamende la, amele abekhona ekuvulweni kombukiso omkhulu wokuthengiselana, obuthanisa amankampani awelizweni lawakwamanye amazwe oweZimbabwe International Trade Fair-ZITF ovulwa ngumongameli Robert Mugabe lomhlonitshwa ovame ukuvela kwelinye ilizwe.
Amalunga alelidale wonke nje, awe Zanu PF kunye lawe MDC abikwa emanyene ekubuzisiseni ngaloludaba ngoba lungabaphathi kuhle.
UChris Gande oweStudio Seven, uxoxe lomunye wamalunga lawa, uMnu. Prince Dubeko Sibanda ongowebandla le MDC elikhokhelwa ngumnumzana Morgan Tsvangirai, ongomunye wabakade bekhathazekile.
"Bona ama managers awephalamende sebezilungisele indawo zabo zokulala koBulawayo indawo zabo sezivele sezikhona. Thina njengamalunga edale lephalamende, mina njengami ngisuka eBinga, batsho ukuthi eeeh, ngizamele ngidrive ngisuka eBinga ngihambe ku official opening yini ngibesengidriva back ngibuyele yini eBinga?" kutsho uSibanda.
Your browser doesn’t support HTML5
Udaba lwamalunga edale lephalamende ngokuya embukisweni oweZITF