Amalunga alitshumi lanye awebandla leMthwakazi Republic Party abotshwe ngoLwesihlanu koBulawayo etshengisela phandle kwewetela yeRainbow Hotel eyethesa umlandu wokuqhatsha abantu abavela phandle kwalelidolobho akhululwe ngoMgqibelo ngemva kokuhlawuliswa imali yesibambiso eye bail.
Umkhokheli walelibandla uMnu. Mqondisi Moyo uthi iziphathamandla zebandla lakhe zihlangene lenkokheli yenkampani yeRainbow Hotel, yabachasisela ukuthi izaqhatsha abantu bakoBulawayo kumbe abeMatabaleland.
Besekugcwele abantu kuleyowetela besithi mhlawumbe bazathola umsebenzi kodwa babuyiselwa emuva ngoba iziphathamandla zeweteleni zisithi bafunde umbiko wabomakhalekhukhwini ongasiqiniso njengoba zingakaqalisi ukuqhatsha izisebenzi.
Your browser doesn’t support HTML5
Ingxoxo loMnu. Mqondisi Moyo