Amapholisa avimba umvukela aweRiot, ahanqe isigodlo sebandla le MDC-T, avimba imigwaqo eseduze lesigodlo salelibandla ukwenqabela abasekeli balelibandla abekade behlabela begijima bejabulela umkhokheli wabo uMnu. Morgan Tsvangirayi owayekwele South Africa lapho ukayakwelatshwa khona kulandela ukutholakala elemvukuzane yamathumbu.
Ngabalandeli bebandla le MDC ngesikhathi umkhokheli walo uTsvangirayi efika esigodlo salelibandla ukuzangena umhlangano wedale leNational Execitive lenkokheli.
Amapholisa aze ukuzavimba ontanga abekade behlabela begcwala indawana yonke kumgwaqo uNelson Mandela emva kokuba uTsvangirayi ethule umbiko wakhe ngamafitshane ukubemukela njengomuntu obengekho emsebenzini okwesikhathi eside.
Amapholisa la abeze ngobunengi bawo belemota ezimbili ezamanzi ababayo, amalorry amabili kanye lezinye ezimbili ezincinyane.
Kabazange banake lamapholisa, abalandeli laba okubalisa unkosazana Memory Ncube wasemzini we Highfields ekuhlangothi lwezokulinganiswa kwamathuba phakathi kwabesilisa labesifazane. UNcube ubethabe emanzi te ngokuphenduka komkhokheli webandla lakhe.
UFungayi Masaiti wasemzini weKambuzuma ungomunye wabontanga ebandleni le MDC-T laye ngomunye obekhona.
UMasaiti ukhuthaze umkhokheli wakhe ukuba angabuyeli muva kumpi yokuletha inguquko elizweni leZimbabwe.
Uzulu uke wamiswa ukuquma kule ndawo okwamahola edlula kancinyane amathathu kodwa akula otshayiweyo loba ukubotshwa.
Your browser doesn’t support HTML5
Udaba Silethulelwa nguMavis Gama