Ilizwe leRussia lithi inani lamasotsha eUkraine asezinikele kulo kuyonale iviki selifika phose inkulungwane-959 edolobheni le Mariupol lapho eseligxile khona.
EleUkraine alikakufakazi lokhu kodwa ngoMvulo lithe amasotsha alo angamakhulu amabili lamatshumi ayisithupha-260 azinikele kweleRussia.
EleRussia lithi lokhu kuveza ukuthi liphumelele kodwa eleUkraine libikwa lisithi lifezile injongo yalo yokuthi amasotsha esitha salo engachaphi iMariupol esiyahlasela amanye amadolobho.
Kusenjalo amazwe abalisa iFinland leSweden ahambise ngoLwesithathu eBrussels amaphepha okudinga imvumo yokuthi abengamalunga omanyano weNATO.
Ukuhlaziya loludaba, sixoxa loMfundisi Useni Sibanda, umqondisi womanyano weZimbabwe Christian Alliance, ophatheka kuloludaba ngendlela ezehlukeneyo.
Your browser doesn’t support HTML5
Ingxoxo loMfundisi Useni Sibanda