Ilizwe leMelika lele China angqikilana ngokuthengiselana impahla etshiyeneyo uMongemeli Donald Trump esithi ele China liqila ilizwe lakhe.
UTrump usanda kwethulela eleChina imithelo yempahla eyenziwa kulelolizwe ethengiswa kwele Melika elesisindo esifika amakhulu amahlanu amabhiliyoni amadola - $500 billion.
EleChina liphindisele ngokufakela eleMelika imithelo yempahla ethengiswa kulelolizwe elungiswa kwele Melika elesisindo esifika amabhiliyoni angamatshumi ayisithupha amadola - $60 billion.
Amazwe la ajamelene ngodaba lolu osokwenze ukuthi umkambo wezemali owe Dow Jones Index ugugudeke okwethusayo.
UTrump uthi uzaxoxisana ngodaba lolu loMongameli Xi Jinping wakwele China ngoNhlangula. Ukuze sihlaziye udaba lolu, sixoxe loMnu. Dan Moyo, ingcwethi kwezokuthengiselana, othi abalimi bakwele Melika bazathwala nzima nxa befisa ukuthengisa impahla yabo kwele China ngenxa yemithelo esikhuphukile.
Your browser doesn’t support HTML5
Ingxoxo Esiynze loMnu. Dan Moyo