Ekuqhubekeni kokukqonga kwenani lababulawa ngumkhuhlane wesihudo se Cholera, sokuqhamuke ukuphoselana umlandu wokuthi uhulumende nguye na owehluleka ukwenqabela lumkhuhlane kumbe libandla leMDC eliyilo elibusa amadolobho ngokuba lamaunga amanengi kumakhansili?
Umkhuhlane wesihudo lo uqhamuke ngemva kokungalungiswa kwempompi zokuhambisa ingcekeza.
Kodwa abeMDC bona bathi impopi lezinye izakhiwo zalungiswa ngesikhathi sikahulumende wabahuqulizi benotho ngalokho ngumlandu kahulumende wokuthi alungisise lezimpopi.
Ukuhlaziya loludaba sixoxe lelunga leMDC, uMnu. Thandeko Zinti Mkandla endawonye lesiphathamandla sebandla leZanu PF, uMnu. Joseph Tshuma onguye osungula loludaba.
“Indaba eyamanzi eHarare okwakumele kwenziwe kumbe kungenziwe kungasenzakali ngenxa yokuthi usupervisor uyehluleka ngoba ukhethwe ngoba uvela kubandla elithile,” kutsho uTshuma.
UMnu. Mkandla uvumelane lo Tshuma wengezelela esithi: “LKanxa kunjalo uhulumende njengohulumende welizwe lonke nxa uhulumende ebona kusonkala kumele angenele.”
Your browser doesn’t support HTML5
Udaba Silethulelwa Ngu Chris Gande