Inengi labantu lilokhu likhalela umuyi uMnu. Arnold Payne obhubhele esibhedlela se Mater Dei Hospital koBulawayo ngoMvulo, limkhumbula ngomsebenzi wakhe wokukhankasela ukuthi uhlelo lwamanzi olweMatabeleland Zambezi Water Project luphutshe.
Umuyi, obhubhe eseleminyaka engamatshumi ayisikhombisa lanhlanu-75, wazakala ngokufuqa isigubhu samanzi esikhulu ngebhala esuka eVictoria Falls esiya koBulawayo leGwanda, ngendlela yokutshengisela ukuthi nxa umuntu oyedwa engakwenelisa ukukwenza lokhu, kufanele kube ngumthwalo olula kuhulumende ukuphutshisa uhlelo lonke.
Umuyi waqhubeka esefuqa ibhala engelalutho esiyaqhuba umkhankaso ofanayo edale lephalamende.
UAlderman David Ndlovu, owayengumsekeli kamayor wakoBulawayo utshele uSithandekile Mhlanga we Studio 7 ukuthi kuyadanisa ukuthi uMnu. Payne ubhubhe injongo yomkhankaso wakhe ingakafezeki.
Your browser doesn’t support HTML5
Ingxoxo LoAlderman David Ndlovu