Inhlanganiso yeAmalgamated Rural Teachers Union of Zimbabwe-ARTUZ ithi isiphathamandla sayo uMnu. Godfrey Chanda, ubotshiwe okwesikhatshana waphinda wakhululwa ngoLwesibili ngamapholisa eGweru, wona amcebise ukuthi engaqoqi kumbe akhulume emihlanganweni yababalisi kulelidolobho.
Lokhu kwenzakala inhlanganiso le iphakathi kokutshengisela ikhalaza ukuholiswa ngemali ye dola leMelika, ngoba isithi intengo yempahla ikhuphuka mihla yonke.
UMnu. Rashid Mahiya owenhlanganiso yeHeal Zimbabwe, laye ubikwa ubedingwa ngabacatshangelwa ukuthi ngamapholisa ohlobo lweCIO, afike aqoqoda okungapheliyo emzini wakhe.
Amapholisa abikwa emanengi ezitaladini zamanye amadolobho elizweni, njalo athi afuna ukumisa ukutshengisela okungenzakala, ngesikhathi ilizwe libhekane lokubhidlika komnotho welizwe.
Isiphathamandla seARTUZ, uMnu. Fortune Jamela, uthi bazaqhubeka betshengisela kuze kube ngoLwesithathu ngoba bafuna uhulumende alalele izikhalazo zabo.
Your browser doesn’t support HTML5
Ingxoxo loMnu. Fortune Jamela