Unobhala jikelele wenhlanganiso yomanyano wamazwe womhlaba, owe United Nations Umnu. Ban Ki-Moon uthi ukuthuthuka kwamadolobho kunye lokukhokhoba kwabanengi sekuzamele amazwe womhlaba alungiselele ukuphathwa kwasebekhulile.
Emazwini awethule ngoLwesine emhlanganweni oqhubekela phambili owe United Nations edolobheni leNew York ngelanga lokunanza asebegugile ele Day of the International Day of Older Persons. UBan Ki-moon uthi: “Asebegugile baqakathekile kakhulu emphakathini njalo bayinsika yezizwe.”
Wengezelele esithi kulandela ukuthathwa kwezinqumo ze 2030 Agenda for Sustainable Development Goals kumele amazwe azilungiselele ukuba labantu asebekhulile kuminyaka engamatshumi alitshumi lanhlanu alandelayo.
Inombolo ezethulwa lugatsha lwezokubalwa kwabantu zitshengisa ukuthi kulabantu abanamgakhulu amiably kuphela asebefike kuminyaka elikhulu combo ukwedlula.
Komunye umbiko ophathelane lelanga lokunanzwa kwasebekhulile, okhokhela ugatsha lwezelungelo loluntu olwe UN Human Rights Commission uNkosikazi, Rosa Kornfeld-Matte uthe: “Kumele ukuthi amadolobho siwakha silungiselele elakusasa ngoba abantu abafika phose ibhiliyoni elilodwa bazabe sebegugile ngomnyaka ka 2050.”
Uqhubeke esithi kulengxaki ezinengi ezenqabela asebekhulile ukuthi bangene ezakhiweni lezinye izindlu ezingakhiwanga ukuthi bahambe lula.
Umhlangano we United Nations uzaphela ngoLwesihlanu mhlaka 2 Mfumfu 2015.