Ilanga lokuphela umsebenzi kwencwadi zamaZimbabwe Special Exemption Permits ezivumela ukuhlala lokusebenza ngokusemthethweni kwezizalwane zeZimbabwe kweleSouth Africa seliseduze.
Uhulumende weleSouth Africa wandise ukuqala ukubhalisa abavuselela lezincwadi ngenyanga ezayo lanxa ama-permits la ephela umsbenzi ekupheleni kukampalakazi.
Kodwa inengi labathola lezincwadi likhala ngokuthi ama passport abo lawo asephela umsebenzi.
Udubo oselukhona ngolokuthi ukuvuselela amapassport la kunzima ngoba kuqala ngokubhalisa ebulenjini be-internet umuntu abesebizwa ukuthi aye esigodlweni sommeli weZimbabwe lapho azaphiwa khona ama fomu ama-passport.
Olunye njalo udubo ngolokuthi imali ebhadalelwa amapassport aphuma ngesiphangiphangi iphezulu, ingamadola emelika angamakhulu amathathu lamatshumi amahlanu, $350, engeneliswa ngabanengi ngalesi sikhathi sobhubhane lwe Covid 19.
Kodwa umkhokheli wenhlanganiso elwela ilungelo labesifazane, eyeZimimbokodo, uNkosazana Victress Mathuthu uthi uzaphathisa abalodubo lokudinga ama-passport.
Your browser doesn’t support HTML5
Ingxoxo loNkosazana Victress Mathuthu