Abaqhubeka ngokutshengisela eAfrica Unity Square besola umbuso weZanu PF babhaxabulwe kabuhlungu ngamapholisa eHarare ngoMvulo.
Abanye babo bahambe bayakwelatshwa esibhedlela seAvenues.
Abatshayiweyo laba bagoqela uMnu Patson Dzamara, uLinda Masariri, uTatenda Mombeyarara, uOliver Chikumi, Makomborero Haruzivishe, uPride Mukono labanye.
“Balandwe ngamapholisa eriot ababhuqa-ababhuqa, abanye baqamuke amaqolo basesibhedlela sikhuluma nje,” kutsho isikhulumeli senhlanganiso yeTajamuka, uMnu Promise Mkhwanazi.
Kunjalo nje, uhulumende sebeke eceleni umlayo awethule ngempelaviki ovimba ukungeniswa kokudla kanye lezinye izinto elizweni zivela kwamanye amazwe.
Uhulumende uthethe isinqumo lesi ngemva kodlakela olube khona emngceleni weBeitbridge phakathi kwezisebenzi zeZimra labantu ekade bevela thenga izinto ezitshiyeneyo eSouth Africa.
Your browser doesn’t support HTML5
Ingxoxo loMnu Promise Mkhwanazi