WASHINGTON DC —
Abasekeli beMDC eNkayi babikwa besithi bafuna ibandla leMDC-T limanyane leleMDC Alliance abe libandla linye elizakwenelisa ukunqoba iZanu PF kukhetho luka2023.
Owake wamela isigaba lesi edale lephalamende uMnu Abednico Bhebhe uthi lokhu kuphume sobala emihlanganweni ayenze lezakhamizi ngempelaviki kuWard 16, 23 loWard 27.
Ibandla leMDC-T lazise kumaviki edluleyo ukuthi selixotshe uMnu Bhebhe limethesa umlandu wokusebenza lebandla leMDC Alliance.
Kodwa uBhebhe uthi ukuxotshwa kwakhe akukho emthethweni. Ngokunjalo, uthi ulokhe engumqoqi wenhlelo zalelibandla.
UBhebhe utshele iStudio 7 ukuthi ngaphandle kwabantu beNkayi, banengi abasekeli beMDC abafuna amacele womabili amanyane.
Your browser doesn’t support HTML5
Ingxoxo loMnu Abednico Bhebhe