Abafisa ukuphikisa uMongameli Donald Trump bemele ibandla lama Democrats kukhetho oluzayo bathi uzulu kumele asebenzelane labo ukwenzela ukususa uTrump esikhundleni.
Lokhu kuvele mgceke kungxoxo mpikiswano abasanda kuyenza belungiselela ukhetho oluzakwenziwa ngomnyaka ka2020.
Omunye walabo abathi balakho ukunqoba uTrump nguSenator Kamala Harris.
“Ukhetho lolu lumayelana lawe … Okufisayo lokunye okukuvusa ekuseni ngo3:00am okunjengokwelatshwa okulenhlawulo ephansi kanye lokuhlawula okutshiyeneyo obhekane lakho. Ngizabe ngingumongameli ophila labantu njalo okhuluma iqiniso lobenzela okuhle. Ngikhangelele ukuthi lizangisekela.”
Omunye njalo nguMnu. Joe Biden owayengumsekeli kowayengumongameli uMnu. Barack Obama.
“Ngibona kufanele ukuthi ngibe ngumkhokheli welizwe leli ngoba umongameli esilaye usubhidlize ilizwe. Ulenkethabetshabi njalo kaqedakali ukuthi ngumuntu onjani. Ngumongameli othanda ukukhulumisana lenkokheli ebusa ngocuku.”
Kodwa uTrump uthi abantu laba badlala ngesikhathi ngoba uqine saka. Kulabantu abedlula amatshumi amabili abakubandla lama Democrats abafuna ukungena kukhetho lokudinga umongameli ngomnyaka ka2020. Akula ophikisa uTrump okubandla lama Republicans.
Your browser doesn’t support HTML5
Udaba Esilethulelwe NguGibbs Dube