UMongameli weMelika uMnu Joe Biden uthi ukudula kwezinto elizweni lakhe kubangelwe ngumkhuhlane weCovid-19, wona olimaze umnotho abantu abanengi balahlekelwa yimisebenzi.
UBiden ubephendula imibuzo yentathelizindaba ekweleUnited Kingdom ngoLwesibili emhlanganweni wokuguquka komkhathi oweCOP26.
Uthe lanxa abantu bedonsa nzima ngokudula kwezinto lokhu, uhulumende wakhe wenelise ukukhulisa umnotho, okuyinto esekelwe ngocubungula ezombusazwe uMnu Tim Muringai.
Your browser doesn’t support HTML5
Ingxoxo loMnu Tim Muringai
Kusenjalo, ukubalwa kwamavoti okhetho lokudinga usibalukhulu wesigaba seVirginia, eMelika bekusaqhubeka ngoLwesibili ebusuku.
UMongameli Biden uthe lanxa zingutshiki lobhanqa, ulethemba lokuthi ibandla lakhe elamaDemocrats lizanqoba.