Sokuqhamuke imbuzo eminengi ngobudlelwano uhulumende weMelika alakho ukuba labo leleZimbabwe lamanye amazwe eAfrica phansi kombuso kaMnu Donald Trump.
UTrump uzathatha intambo zombuso kuMongameli Barack Obama mhlaka 20 ngoZibandlela.
Abanye bathi njengosomabhizimusi, uMnu. Trump ulakho ukuqakathekisa ukudlelana lamazwe angalethela eleMelika inzuzo kwezenotho kuphela.
Ngalokho, bathi eleZimbabwe lilakho ukuba semsamo wenhlelo zikahulumende kaTrump ngoba lingela lutho, ikakhulu inzuzo kwezenotho elingayilethela ilizwe leMelika.
UTrump ngokwakhe uhlala egcizelela ukuthi phansi kombuso wakhe, eleMelika lizabuya kuqala kulawo wonke amazwe.
Ngomdabu, uhulumende weMelika wazakala ngokuqakathekisa umbuso okhululekileyo emazweni omhlaba kanye lokuhlonitshwa kwamalungelo oluntu.
Lapho ohulumende bamazwe abatholakala behlukumeza uzulu, eleMelika livame ukungenela libafakela izijeziso njengokwenziwa kuhulumende kaMongameli Mugabe nguhulumende kaMnu George Bush.
Kodwa ingcwethi kwezombusazwe uMnu. Nkululeko Sibanda uthi kaboni kusiba lobudlelwano obugxilileyo phakathi kweMelika leZimbabwe phansi kombuso kaTrump.
Your browser doesn’t support HTML5
Ingxoxo loMnu Nkululeko Sibanda