Amalunga enkonzo yokholo lweKrestu eye Roman Catholic bemukele ngembono etshiyeneyo ukuthi iziphathamandla zalelibandla, ezigoqela amabishop, kazivumanga isikhalazo sokuthi izitabane zamukelwe kulelibandla lanxa umkhokheli wamaRoma uPapa Francis ubekusekela lokhu.
Emkhosini omkhulu obuse Rome ngempelaviki, iziphathamandla zalelibandla zivumelene ukuthi amalungelo ezitabane engephulwa, zengezelela lokuthi abatshade okwesibili kumbe abehlukana labomkabo bengemukeli isithebe.
UMongameli Robert Mugabe loNkosikazi wakhe uGrace bemukele isithebe kweminye yalumbuthano khonale eRome.
Ukuze sihlaziye loludaba, sixoxe loMnu. Mojalisa Mokoena, isikhulumeli senhlanganiso elwela amalungelo ezitabane labanye eye Sexual Rights Centre, yena otshele uSithandekile Mhlanga weStudio 7 ukuthi inhlanganiso yakho ithemba ukuthi izitabane zizamukelwa ezinkonzweni lapho ezikhonza khona ngoba lazo zikhonza umlimu munye labanye.
Your browser doesn’t support HTML5
Ingxoxo LoMnu. Mojalisa Mokoena