UMnu. Theodore Bronkhurst owetheswa icala lokukhokhela ukuzingelwa ngokungekho emthethweni kwesilwane esaziwa ngokuthi nguCecil esabulawa yisizalwane seMelika uMnu. Walter Palmer, umiswe phambi komthethwandaba kamantshi eHwange ngoMvulo, lapho ukuthethwa kwecala lakhe okudluliselwe mhlaka 15 kunyanga ezayo ngemva kokuba amagqwetha akhe ekhalaze ukuthi umthethwandaba ulahlele khatshana lelicala.
UMnu. Bronkhurst uyaliphika icala aletheswayo. Uhulumende wathi uzakhalaza ukuthi eleMelika lilethe uMnu. Palmer ezomiswa phambi komthethwandaba eZimbabwe kodwa lokhu akukenzakali.
Igqwetha elimela uMnu. Bronkhurst uNkosazana Perpetua Dube utshele iStudio 7 ukuthi uhulumende kacaci ukuthi icala eletheswa uMnu. Bronkhurst yiliphi njalo kusobala ukuthi akufanelanga amiswe phambi komthethwandaba.
Your browser doesn’t support HTML5
Ingxoxo LoNkosazana Perpetua Dube