UMkhokheli womanyano weMDC Alliance, uMnu. Nelson Chamisa uthi kasoze asebenzelane loMongameli Emmerson Mnangagwa yena othi welule isandla sakhe kunkokheli yeMDC Alliance ukuthi basebenze ndawonye.
UMnu. Chamisa utshele umsakazo we SABC izolo ukuthi kasoze asebenze lengwenya, okulibizo elaphiwa uMnangagwa.
Uthi ungangena emanzini lengwenya uyagalula icine isikudla.
UMnu. Chamisa uphe umzekeliso kamuyi, owayekhokhela ibandla leMDC-T, uMnu. Morgan Tsvangirai, esithi wasebenza lowayengumongameli uMnu. Robert Mugabe waze wacina evaleka inkophe.
Ukucubungula loludaba, uChris Gande weStudio 7 uxoxe lengcwethi ecubungula ezombusazwe, uMnu. Lloyd Msipa osekela ibandla leZanu PF.
Your browser doesn’t support HTML5
Ingxoxo loMnu. Llyod Msipa
Kusenjalo, uMnu. Walter Nsununguli Mbongolwane, ingcwethi ecubungula ezomnotho welizwe uthi kuzakuba nzima ukuthi uhulumende anelisa ukulungisa umnotho welizwe wona olokhu ubhidlika ngamandla; intengo yempahla ilokhu ikhwela ezitolo, njalo lemali isilela.
Your browser doesn’t support HTML5
Ingxoxo LoMnu. Walter Nsununguli Mbongolwane