Indodana kamuyi uChief Khayisa Ndiweni weNtabazinduna, uMnu. Reuben Ndiweni ubikwa esekhweze emthethwandaba waphezulu isicelo sokuthi kwesulwe ukugcotshwa komnawakhe uMnu. Nhlanhla Ndiweni ukuthi athathe isikhundla sikayise owabhubha ngomyaka ka 2010, ngoba kunguye okufanele athathe lesisikhundla ngaphansi kwamasiko esintu njengoba eyindodana yakuqala kamuyi.
UMnu. Nhlanhla Ndiweni, owayehlala eNgilandi, ubikwa esanda ukufika elizweni, lapho afike wathatha khona isikhundla sikayise.
Umfelokazi kamuyi, uNkosikazi Agnes Ndiweni ubikwa esithi wakhetha uNhlanhla ngoba embona efanele ukukhokhela abantu nxa eqathaniswa lomnewabo, njalo lokhu kwakuyisifiso somkakhe owasikhuluma engakabhubhi.
Kodwa indodana endala uReuben ubikwa esithi uhulumende kalandelanga isiko lamaNguni ngokugcoba umnawakhe,njalo kuyikuthi kasifanelanga lesisikhundla, eyakhe ingqabutho uMnu. Mhlambezi Ndiweni, nguye okufanele abe yinduna.
Ubikwa ephinde wagcona unina, esithi uthola isixwayiso esingaqondanga udadewabo, kanye lezinye izihlobo
Ezinye ingcwethi kwezamasiko zisekela ingqabutho kamuyi, kodwa ezinye zilombono otshiyeneyo.
UMnu. Zwidekalanga Khumalo, ingcwethi kwezamasiko utshele uSithandekile Mhlanga we Studio 7 ukuthi kuyenzakala ukuthi kudaba olunjengalolu, amasiko esintu aguqulwe kusiya ngezifiso zaleyo imuli.
Your browser doesn’t support HTML5
Ingxoxo LoMnu. Zwidekalanga Khumalo