Isibhedlela seHarare Central Hospital sesikhuphe amaphahla awazalwa ebambene njalo ayeselatshwa kulesisibhedlela ngemva kokwehlukaniswa ngoba esesilile.
Odokotela bathi bazaqhubeka behlolisisa amaphahla la, u Kupakashe lo Tapiwanashe abazalwa ekuqaleni kwawonalo umnyaka esigabeni seMashonaland East ukubona ukuthi ngempela asesilile.
Ekhuluma emhlanganweni lamuhla, umka mongameli uNkosikazi Grace Mugabe utshayele odokotela ihlombe ngomsebenzi abawenzileyo, njalo wathi uyathokoza ngokuthi amaphahla la asesilile.
ULieutenant Colonel Israel Dube, ongomunye wabodokotela abehlukanisa amaphahla la utshele uSithandekile Mhlanga weStudio 7 ukuthi iqula elaqhuba lumsebenzi yilo elizasebenza kwamanye njalo amaphahla azelwe ebambene eMt. Darwin ngenyanga edluleyo; elesitho sangaphansi esisodwa, amakhanda amabili, kanye lenyawo ezintathu.
Uqale ngokuchasisa ukuthi uyathokoza ngokuthi amaphahla akoChitiyo asephumile esibhedlela.
Your browser doesn’t support HTML5
Interview with Israel Dube