Umkhokheli weZAPU, uMnu. Dumiso Dabengwa uthi umhlangano omkhulu webandla lakhe oweCongress walonyaka yiwo ozanquma ukuba baphatheke na kumanyano wamabandla ezombusazwe kulungiselelwa ukhetho luka2018 nomanje ethi sowangenwa yimpehlane.
Ekhuluma labantu emhlanganweni obusePlumtree uDabengwa uthi kusukela ngomnyaka ka2012 bebezama ukubonisa amanye amabandla ezombusazwe ngokuqakatheka kokubambana kuyiwa kukhetho nomanje ejabula ukuba labanye sebekubonile ukuba kuqakatheke kangakanani.
Ethi lobanje befisa ukusebenzelana lamanye amabandla lembovane lazo sezikhona kulumanyano weCoalition
Inengi labaxotshwa libandla leZANU PF sebethe balanda ibandla leZAPU bethi bafuna ukusebenza labo, kodwa uDabengwa uthi bayamukelwa kodwa abahleleke njalo bazi ukuthi bona bahamba ngendaba yombuso ezabelweni.
Uqhubeke ethi yena kayisothathekile, ibhude njengabanye abantu ngakho ngeke atshiya iZAPU esiyasebenzela abantu ababumbe ibandla ngoba bezondele ukuxotshwa ngoba wathi etshiya iZANU PF, wayesekubonile ukuba sungumkhumbi ocwilayo.
IZimbabwe ikhangelele ukuya kukhetho ngo2018 njalo udaba lokususa uMongaameli Robert Mugabe embusweni lumqoka, amabandla ezombusazwe aphikisayo aphakathi kokubonisana ukuba bengamsusa kanjani embusweni bethi usebulele ilizwe kuminyaka edlula amatshumi amathathu lasithupha ebusa.
Ngempelaviki, uNkosikazi Joyce Mujuru we ZPF lo mkhokheli weMDC-T uMnu. Morgan Tsvangirai eNkabazwe bakhombise ukuba ababuyeli emuva ngokulungiselela ukumanyana ngo2018. Abahlaziya ngezombuso bacwayise uTsvangirai ukuba ananzelele engabandezelwanga ekhoneni ngoba ibandla elibusayo lilamaso amanengi okuzama ukubulala amabandla aphikisayo bethi mhlawumbe uMujuru engabe ethunywe nguMugabe.
Your browser doesn’t support HTML5
Udaba lukaDabengwa ekhuluma ngeCoalition siluphiwa nguNompumelelo Moyo