ACHPR: Izizalwane ZeZimbabwe Ezihlala Kwamanye Amazwe Zilelungelo Lokuvota

WASHINGTON —  Ikhomishini yezwekazi le Africa ebona ngelungelo likazulu eye African Commission on Human and People's Rights ese Gambia, inqume ngoMvulo ukuba izizalwane zeZimbabwe ezihlala kwamanye amazwe zilelungelo lokuvota kukhetho kungakhathalekile ukuthi ziselizweni liphi lomhlaba.

Loludaba lokuqhuqhuzela ilungelo lesizalwane seZimbabwe esingekho ekhaya ukuthi sivote, lukhwezwe emthethwandaba lo ngamagqwetha eZimbabwe Lawyers for Human Rights emele uMnu. Gabriel Shumba, labanye bakhe.

Phansi kwesisekelo sombuso esikhona manje eleZimbabwe livumela izisebenzi zikahulumende lamasotsha kuphela abasebenzela kwamanye amazwe ukuthi bavote hatshi uzulu ozisebenzela eminye imisebenzi yokuziphilisa emazweni.

Ingcwethi ecubungula ezombusazwe, uMnu. George Mkhwananzi utshele uChris Gande weStudio Seven ukuthi ubona uhulumende engasoze emukele lesi sinqumo ngoba iZANU PF isesaba ukuthi inengi labantu abaphuma bebalekela umumo wezombusazwe ongamanga kuhle owawonwa yiyo isabusa iyodwa abasoze bayivotele.

Ingxoxo LoMnu. George Mkhwananzi