Indikimba yalonyaka yokunanza ilanga labagogekileyo ithi “Removing Barriers to Create an Inclusive and Accessible Society for All”
WASHINGTON —
Abantu abagogekileyo eZimbabwe bathi kumele uhulumende alungise imithetho yelizwe ilandele izinqumo ezabekwa ngumanyano we United Nations ukuze impilo zabo zibe ngcono.
NgoMvulo bekulilanga lokunanza amalungelo abagogekileyo, i-International Day of Persons with Disabilities, kodwa uhulumende ubikwa ebengamanyananga lamanye amazwe ukunanza lelilanga.
Indikimba yalonyaka iphansi kwesihloko esithi “Removing Barriers to Create an Inclusive and Accessible Society for All” kodwa abagogekileyo elizweni bathi abafinyeleli izinto ezinengi ezililungelo lomuntu wonke, ezifana lemfundo, izakhiwo, kanye lokunye okunengi-nengi ngenxa yesimo sabo.
UMnu. Ishmael Zhou, isiphathamandla senhlanganiso ezilwela amalungelo abagogekileyo eye National Association of Societies for the Care of the Handicapped, le Zimbabwe National League of the Blind uthi imithetho yelizwe kufanele iguqulwe ukuze ilondoloze ilungelo labo.
