UMongameli Donald Trump uthi amalunga edale leHouse of Representatives amane axabana azonda ilizwe leMelika.
UTrump wethule lokhu ebulenjini bokuxhumana obeTwitter lapho athe abane laba kumele baxolise ngokuzonda ilizwe leMelika lele Israel.
Ugcizelele lokhu ekhuluma lentathelizindaba ngoMgqibelo.
UTrump uxabana loRashida Tlaib, Ilhan Omar, Alexandria Ocasio-Cortez kanye lo Ayanna Pressley. Abane laba bathi uTrump ulenkethabetshabi afuna ukuyisebenzisa ngesikhathi sokhetho lukamongameli ngomnyaka ozayo.
Okwethule nguTrump kusekelwe ngumcebisi wakhe, uMercedes Schallap, okhulume lentathelizindaba.
“Sengisebenze kakhuluu loMongameli Trump. Kalabandlululo. Inhlelo zakhe zonke zisekela abantu abansundu labanye.”
Amalunga ebandla lama Democrats athi uTrump uzama ukwenza engani abane laba ngabanikazi bebandla leli. Ingcwethi kwezombusazwe, uMnu. Gary Jackson, uthi kuyethusa okwenziwa nguTrump.
UTrump ukhangelelwe ukuthi uzancintisa kukhetho oluzayo emele ibandla lama Republicans.
Your browser doesn’t support HTML5
Udaba Esilethulelwe NguGibbs Dube