Inhlanganiso ezizimeleyo ngoLwesibili ziqalisile ukwabela abantu amaphetshana alomfanekiso wentathelizindaba uItai Dzamara, yena obikwa wathunjwa ngabantu abangaziwayo ngeviki edluleyo, ngendlela yokwazisa uzulu ngokunyamalal kwakhe.
Amabandla ezombusazwe kanye lenhlanganiso ezizimeleyo sezichothoze ukuthunjwa kukaDzamara njalo abanye bethesa uhulumende umlandu.
UDzamara ukhokhela iqembu leOccupy Africa Unity Square, elikhankasela ukuthi umongameli Mugabe etshiye umbuso ngoba esehlulekile ukuvuselela umnotho welizwe.
Omunye obesebenza loDzamara, uMnu. Charles Nyoni utshele uSithandekile Mhlanga weStudio 7 ukuthi baqoqe ukutshengisela ngoLwesine eHarare bekhankasela ukuthi uDzamara akhululwe lapho angabe ebotshwe khona.
Your browser doesn’t support HTML5
Ingxoxo LoMnu. Charles Nyoni