Inengi selisole inyathelo elithethwe nguhulumende elokuthi izisebenzi zakhe zingabhadalwa imali yama bonus kuwonalo umnyaka kanye lolandelayo, lisithi lokhu kuveza sobala ukuthi useyehlulekile ukuvuselela umnotho welizwe.
Esethulela intathelizindaba lumbiko izolo eHarare, umphathintambo kahulumende obona ngezemali uMnu. Patrick Chinamasa uthe imali yamabonus izasetshenziswa ukuthuthukisa inhlelo zikahulumende ezigoqela i-ZIMASSET, ezikhangelelwe ukuvuselela umnotho welizwe.
UMnu. Sifiso Ndlovu, isiphathamandla senhlanganiso elwela amalungelo ababalisi eye Zimbabwe Teachers Association (ZIMTA), utshele uSithandekile Mhlanga weStudio 7 ukuthi inhlanganiso yakhe izalobela uhulumende incwadi ngenjongo yokuxoxisana laye ngaloludaba.
Your browser doesn’t support HTML5
Ingxoxo LoMnu. Sifiso Ndlovu