Uhulumende weMelika uthi iziqondiso ezivimba izizalwane zakwamanye amazwe ukwethekelela lelilizwe zizaqhubeka zikhona okwamanje ngoba umkhuhlane weCovid-19 ulokhe umemetheka.
Iziqondiso lezi zithinta labo abayabe bethekelele kweleBhilithani phakathi kwamaviki amabili ayabe esanda kwedlula kanye lamanye amazwe angamatshumi amabili lasithupha aseEurope.
Zenqabela njalo izethekeli ezivela kweleSouth Africa, Ireland, China, Brazil, Iran laseIndia.
Isikhulumeli sikahulumende weMelika uNkosikazi Jen Psaki, utshele intathelizindaba ngoMvulo ukuthi bakubone kufanele ukuthi baqhubeke ngeziqondiso lezi ngoba umkhakha weCovid-19 oyaziwa ngokuthi yiDelta usuhlasela ngamandla, ngokubika kweReuters.
Abezempilakahle eMelika bathi umkhuhlane lo umemethekiswa ngabantu abalokhe besala ukuhlatshwa.
Isizalwane seZimbabwe esihlala eNgilandi uMnu Mqondobanzi Magonya utshele iStudio 7 ukuthi lakweleBhilithani lakho banengi abala ukuhlatshwa.
Your browser doesn’t support HTML5
Ingxoxo loMnu Mqondobanzi Magonya