WASHINGTON DC —
EleSouth Africa lithengisele eleZimbabwe izikhali ezibiza amaRand edlula izigidi ezimbili, R2.26 million lonyaka, okuyinto esicunule abalwela amalungelo oluntu.
Umbiko okhitshwe yikomidi ekhangelane lokuthengiswa kwezikhali eSouth Africa ngoMvulo, iNational Conventional Arms Control, uthi izikhali ezithengiselwe iZimbabwe lezi ngezisetshenziswa ukulondoloza ukuthula ngamapholisa kanye labebutho.
Abenhlanganiso ezizimeleyo labebandla eliphikisayo eSouth Africa eleDemocratic Alliance, bayakusola kakhulu lokhu besithi izikhali lezi zilakho ukusetshenziswa ukuhlukuluza uzulu, ikakhulu ngesikhathi sokhetho.
Ngomnyaka ka2008 eleChina like lazama ukuthumela izikhali eZimbabwe, kodwa umkhumbi owawuthwele lezi zikhali walelwa ngamazwe angezansi yeAfrica agoqela iSouth Africa leMozambiqu ukuthi uzethulele okhunjini lwamazwe la.
Ngokunjalo, umkhumbi lo wacina uphindela kwele China lalezizikhali.
Lanxa umanyano weUnited Nations ungafakelanga eleZimbabwe izijeziso zokuthi lingathengiselwa izikhali ngamanye amazwe, iMelika leEuropean Union zafaka lezizijeziso.
Ibandla leDemocratic Alliance lithi eleSouth Africa beselileminyaka elitshumi lingathengiseli eleZimbabwe izikhali. Ngalokho, lithi uhulumende kumele achasise ukuthi ukwenzeleni lokhu.
Ingcwethi kwezombusazwe uMnu Brilliant Mhlanga, yena ofundisa eWestminster University kweleBhilithani, uthi kungaba lusizi nxa izikhali lezi zingasetshenziswa ukuhlukuluza uzulu weZimbabwe.
Umbiko okhitshwe yikomidi ekhangelane lokuthengiswa kwezikhali eSouth Africa ngoMvulo, iNational Conventional Arms Control, uthi izikhali ezithengiselwe iZimbabwe lezi ngezisetshenziswa ukulondoloza ukuthula ngamapholisa kanye labebutho.
Abenhlanganiso ezizimeleyo labebandla eliphikisayo eSouth Africa eleDemocratic Alliance, bayakusola kakhulu lokhu besithi izikhali lezi zilakho ukusetshenziswa ukuhlukuluza uzulu, ikakhulu ngesikhathi sokhetho.
Ngomnyaka ka2008 eleChina like lazama ukuthumela izikhali eZimbabwe, kodwa umkhumbi owawuthwele lezi zikhali walelwa ngamazwe angezansi yeAfrica agoqela iSouth Africa leMozambiqu ukuthi uzethulele okhunjini lwamazwe la.
Ngokunjalo, umkhumbi lo wacina uphindela kwele China lalezizikhali.
Lanxa umanyano weUnited Nations ungafakelanga eleZimbabwe izijeziso zokuthi lingathengiselwa izikhali ngamanye amazwe, iMelika leEuropean Union zafaka lezizijeziso.
Ibandla leDemocratic Alliance lithi eleSouth Africa beselileminyaka elitshumi lingathengiseli eleZimbabwe izikhali. Ngalokho, lithi uhulumende kumele achasise ukuthi ukwenzeleni lokhu.
Ingcwethi kwezombusazwe uMnu Brilliant Mhlanga, yena ofundisa eWestminster University kweleBhilithani, uthi kungaba lusizi nxa izikhali lezi zingasetshenziswa ukuhlukuluza uzulu weZimbabwe.
Your browser doesn’t support HTML5
Ingxoxo LoMnu Brilliant Mhlanga