WASHINGTON —
EleZambia selehlise isilinganiso somumbu eliwuthengisela eleZimbabwe, okuyinto elakho ukubangela ukusilela kwempuphu elizweni.
Inhlanganiso yeGrain Millers Association of Zimbabwe ithi amalunga ayo sebuya lomumbu omlutshwana kulezinsuku ngoba iZambia isithi layo ibhekane lendlala, ngakho kumele ligcine umumbu omnengi.
Amazwe athengisela eleZimbabwe umumbu abalisa iMozambique, South Africa leZambia, eyiyo ebithengisela iZimbabwe isilinganiso esiphezulu.
"Mlutshwane umumbu ongena elizweni kulezinsuku zivela eZambia nxa siqathanisa lensukwini ezedluleyo," kutsho isiphathamandla seGrain Millers Association uMnu Thembinkosi Ndlovu uthi.
Your browser doesn’t support HTML5
Ingxoxo loMnu Thembinkosi Ndlovu