Abe Green Fuel, abaletha amafutha la, bathi imota ezisebenzisa amafutha awe E-85 yizo ezidinga ukuhlolwa ukuze zilungiselelwe ukuwasebenzisa.
WASHINGTON —
Njengoba eleZimbabwe seliqalisile ukusebenzisa amafutha ephethulo entsha ehlanganiswe lomhluzi wetshukela eliphuma kusilimo semfe -i ethanol, awohlobo lwe E10 le E85 uhulumende uthi wonke umuntu sokuzamele asebenzise wona, inengi lizibuza ngokuthi kuyini ilizwe elizakuthola ngokusebenzisa amafutha la.
Ingcwethi zolwazi oluphathelane lalamafutha zith i E-10 asebenza kuhle emoteni zonke kungakhathelikile ukuthi zalungiswa nini.
UMnu. Graeme Smith umqondisi wenkampani ye Green Fuel, okuyiyo esebenza lohulumende ukuletha amafutha la, utshele iStudio 7 ukuthi imota ezisebenzisa amafutha e E-85 yizo kuphela ezifuna ukuhlolwa ukuze zilungiselelwe ukuwasebenzisa.
Ukuhlaziya loludaba, sixoxe loMnu. Bulisani Ncube usomabhizimusi, yena ogcizelela ukuthi kulungile ukusebenzisa amafutha la ngoba imfe elinywa elizweni yiyo eletha umhluzi we Ethanol okuzathuthukisa umnotho welizwe njalo kubumbele abanye imisebenzi. Uphinde wathi nxa amanzi esilela ezigabeni zelizwe lapho okulinywa khona, kufanele ilinywe eBinga ngoba umhlabathi waleyondawo uyilungele njalo amanzi omfula uZambezi awapheli.
UMnu. Abednico Bhebhe, yena osungula lingxoxo, utshele uSithandekile Mhlanga we Studio 7 ukuthi ngabe uhulumende ufundise kuhle abantu ngaloluhlelo engakalusunguli.
Ingcwethi zolwazi oluphathelane lalamafutha zith i E-10 asebenza kuhle emoteni zonke kungakhathelikile ukuthi zalungiswa nini.
UMnu. Graeme Smith umqondisi wenkampani ye Green Fuel, okuyiyo esebenza lohulumende ukuletha amafutha la, utshele iStudio 7 ukuthi imota ezisebenzisa amafutha e E-85 yizo kuphela ezifuna ukuhlolwa ukuze zilungiselelwe ukuwasebenzisa.
Ukuhlaziya loludaba, sixoxe loMnu. Bulisani Ncube usomabhizimusi, yena ogcizelela ukuthi kulungile ukusebenzisa amafutha la ngoba imfe elinywa elizweni yiyo eletha umhluzi we Ethanol okuzathuthukisa umnotho welizwe njalo kubumbele abanye imisebenzi. Uphinde wathi nxa amanzi esilela ezigabeni zelizwe lapho okulinywa khona, kufanele ilinywe eBinga ngoba umhlabathi waleyondawo uyilungele njalo amanzi omfula uZambezi awapheli.
UMnu. Abednico Bhebhe, yena osungula lingxoxo, utshele uSithandekile Mhlanga we Studio 7 ukuthi ngabe uhulumende ufundise kuhle abantu ngaloluhlelo engakalusunguli.
Your browser doesn’t support HTML5
Ingxoxo LoMnu. Abednico Bhebhe Endawonye LoMnu. Bulisani Ncube