USibalukhulu wedolobho lakoBulawayo, UNkosikazi Eunice Sandi Moyo, uthi kakuthi thiki mayelana lokutshengisela okubekhona ngoLwesithathu lapho akade esetheswa icala ngamalunga eZanu PF Women’s League lokuzama ukususa uNkosikazi Grace Mugabe esikhundleni.
UNkosikazi Sandi Moyo uthe akulamuntu oseke wamlanda emethesa leli cala kanye loNkosikazi Sarah Mahoka, omele iZanu PF edale lephalamende.
Uthe uzaqhubekela phambili esebenza ngemfanelo njengalokho okukhangelelwe nguMongameli Robert Mugabe owamfaka esikhundleni lesi.
UNkosikazi Moyo uthe kulusizi kulowo maqala ukutshengisela ngoba yena kakho kulolohlelo. Ugcizelele esithi amadoda ambalwa angemva kokutshengisela basaselomsebenzi wokudinga imali yokuqhubeka ngohlelo lwabo.
Uthe ngeke akhuluma kakhulu ngohlelo olungesilwakhe yena olwakhe uhlelo ngolokubona ukuba uBulawayo uyavuka. Uthe iKhansili yedolobho lakoBulawayo ngabanye ayenelise ukuhamba labo eMalaysia phakathi kwequla lamatshumi amathathu kanye lomele iMalaysia eZimbabwe ukuze
bazofaka imali kwezomnotho koBulawayo hatshi ukuzihlupha ngabantu abangela ntuthuko.
Osakhulayo, uNozipho Moyo, uthe kuyadanisa ukubona abesifazana bedonselana phansi eZimbabwe.
UNkosikazi Sandi Moyo uthe uvele usekhulile njalo akulalasikhundla asibangisayo ngoba nguye owayebhoda ekhankasela uNkosikazi Mugabe ukuba angene esikhundleni.
Uphinde wasola indlela ehlelekileyo abatshengisele ngayo esithi lemali edlalisiweyo betshengisela usezwe ukuthi kulamadoda athile aphatheke kulolohlelo ethi abenze lokho ngabadinga ukumxabanisa lemuli
yako Mugabe.
Your browser doesn’t support HTML5
Udaba Esilethulwe NguNompumelelo Moyo