WASHINGTON DC —
Ukuxotshwa kukaMnu. Emmerson Mnangagwa nguMongameli Robert Mugabe esikhundleni sokuba ngumsekeli wakhe sokuphehle imbuzo eminengi.
UMugabe uxotshe uMnangagwa ngoMvulo emethesa icala lokumhlamukela.
Umethesa njalo icala lokungamhloniphi kanye lokwehluleka ukuqhuba kuhle umsebenzi.
Umbuzo omkhulu osemilonyeni yabanengi ngothi ngubani ozakhethwa nguMugabe ukuthatha isikhundla sikaMnangagwa.
Abanye bathi uMugabe uzafaka umkakhe, uGrace, kube labanye abathi engafaka umkhokheli wedale leSenate, uNkosikazi Ednah Madzongwe.
Ingcwethi kwezombusazwe uMnu. Rejoice Ngwenya utshele iStudio 7 ukuthi ngokuswela inhloni alakho, uMugabe ulakho ukufaka umkakhe.
Your browser doesn’t support HTML5
Ingxoxo loMnu Rejoice Ngwenya